الجمعة، مايو 19، 2006

وصية عمر نجم

إبنى اللى لسه مجاش
بيرسمك وردة
هى السنين ببلاش
و الا مفيش فايدة ؟
!جاوبنى يا بكرة
عمر نجم – إبنى
*
و إن دمى مرة سال
على الطين حاكون موالى
أوشوشه ف قلبه
يضمنى ف حضنه
شاله يغطينى
أوصيه على إبنى
فى قلب جوف جوفه
أمانة يا طينى
تنزع عروق خوفه
و أزرع شرايينه
زيتون فلسطينى

نوفمبر 1992
ديوان الشاعر عمر نجم – غياب الحضور ، و حضور الغياب- مكتبة الأسرة

هناك 10 تعليقات:

kalam يقول...

:)
مش عارف اقولك ايه
الف شكر
وعقبالك ان شاء الله

أجدع واحد في الشارع يقول...

والله ده كلام جميل بس بجد
مش عارف اكتب ايه
بس ده احساس جميل
وعمل ممتاز

shady يقول...

هى السنين ببلاش
و الا مفيش فايدة ؟
!جاوبنى يا بكرة


أكيد مش ببلاش وأكيد فيه بكره
نفسى قوى يجى بكره

متهيألك فى بكره؟

بعدك على بالى يقول...

جميل البوست .. وجميل ان فى حد لسه فاكر عمر نجم الله يرحمه.. شاعر جميل
بالمناسبه كل الشعراء اللى انت بتحبهم تقريبا انا كمان بحبهم
ذوقك حلو

السهروردى يقول...

معلش إتأخرت فى الرد عليكم لأنى كنت للأسف مشغول و مكتئب شوية
كلام
ربنا يجيبه بالسلامة

إبن الشارع
يكفينى إحساسك

شادى
فى بكره مادام إحنا عايشين له
:)

بعدك على بالى
كان من نفسى أتكلم عن عمر نجم بشكل تفصيلى لكن الكلمات ما أسعفتنيش
شكرا على المرور
و أهلا بالجميع
:)

بعدك على بالى يقول...

شكرا على المرور.. حبيت أشكرك هنا .. والتعليق هناك..
وياريت أقرأ لك شعر لانة أكيد انت بتكتب
تحياتى ..

radwa osama يقول...

تدوينة جميلة ..شكرا علي شعر عمر نجم

Lasto-adri *Blue* يقول...

ياااااه
عمرو نجم تقريبا احب الشعراء لقلبى
والف مبروك لكلام تانى وتالت ورابع
الله يبارك له فيه
وربنا يكرمك عن قريب ان شاء

السهروردى يقول...

أستاذة رضوى و لست أدرى :
أشكركم على التعليق و المرور
و ححاول أنشر حاجات تانية ليه فى فترة قريبة

بعدك على بالى:
أنا بأكتب بس مش قوى و عموما انا بنشر ف مدونة إفهم كل فين و فين

Yamen يقول...

مش قادر أقولك أنا انبسطت قد ايه لما شفت ان فيه ناس لسه فاكرة عمر نجم
check it out
www.yamenat.blogspot.com