الاثنين، مايو 08، 2006

حواديت مجدى نجيب



ياما في زمانّا قلوب
راسماها أعمارنا
زي النجوم حواديت
على ضلّ شبّاكنا
دي مركبي فضّه
وفرحي لو قضّى
حبيبي يبقى معاي
مش غيرُه مش ح أرضى

ساعات أتوه مرّات
ألقى القمر هدَّى
يسقي النسيم شربات
في ليل طويل عدَّى
الصعب راح .. ولَّى
والحب دا أحلى
لو وقفت الساعات
صوتي أكيد أعلى

لو زارني فرحي ساعات
حواديتي ما بتخلص
قمري حصان في الليل
ونجومه دي بترقص
والحلم ويايا
والذكرى جوايا
من بين كتير حكايات
حكايتنا دي أحلى

ساعات أحبّ حاجات
ما يحبّهاش غيري
في الرايحه في الجايّات
باغنّي مع طيري
طمّني .. أتطمّن
في القلب راح أسكن
وطول هواكي معاي
بتدفّا وأتطمّن

هناك 11 تعليقًا:

السهروردى يقول...

تعليقك يا كلام إتمسح من غير قصد

الله عليك
اختياراتك جميله اوى
انا فعلا باعشق الاغنيه دى
واذا كانت بجد بتمثلك
اسمحلى ارفعلك القبعه
ده تعليقك تقريبا

أشكرك على إطرائك و أرفعلك القبعة بالمثل

Sherif Nagib يقول...

الحقيقة يا سهروردي انت عبرت عني بالضبط لما قلت ان الاغنية دي بتقشعرك !! مجدي نجيب ده ابن شياطين !! يخرب بيته بيجيب الكلام ده منين بجد ؟!! الأغنية هي أقرب أغاني منير إلى قلبي .

kalam يقول...

ولا يهمك
انا كتبته عشان تقراه
انافعلا باحب كلامك جدا

السهروردى يقول...

ابو شريف
:)
إحنا نحب نـخدم
أهلا بيك يا خويا

كلام
شكرا يا ذوق
:)

451 فهرنهايت يقول...

جميلة قوي
الكلمات دي ممكن تطهر أي انسان

shady يقول...

يا خويا بتعرف تكون مع نفسك فى وسط البلد بتاعتكم دى ودوشتها!!!
بس سيبك تعود
أغنيه جامده

السهروردى يقول...

فهرنهايت
مش قولتلك
؛)

أبو شادى
دى حاجة بالوراثة
بس سيبك انت
:)

أهلا بيكم

tamer يقول...

كلمات الاغنية جميلة..

فعلاا عمل ادبى رائع


ربنا يوفقك

الى الامام

غير معرف يقول...

dears
i think u have to go to this blog
http://bokra-a7la.blogspot.com
salam

بعدك على بالى يقول...

انا بموت فى كل منير وبالذات الاغنية دى

غير معرف يقول...

مجدي نجيب ..
الطفل الرقيق .. البرئ
عصفور مدلع ..
يروح الزمن فين ما يروح ..
وهو ..
هو صغير السن

سعيد جدا بهذه الزيارة

علي سلامة