الأربعاء، ديسمبر 06، 2006

عبد الرحمن الأبنودى - أرقص على السلم

.. سلم قلوعك للغروب.. والغربة
واعجن.. وكل واشرب بقَّية زادك
.. ولا انت واصل بالقلوع.. لأوروبا
ولا انت راجع بالقلوع لبلادك
ف يا شاب
يا معلَّم.. يا متعلِّم
ارقص على السلِّم

.. يا صهد.. يا شاوح
.. ضلل على الرايح
فى اليم ... من غير يمّ
الجفن من غير عين
والزند من غير دم
.. ويا شاب يا مطفى العيون الماس
راح الحماس .. و قعدت ف الضّلة
كشفت عريك فى البلاد للناس
وتاجرت فى الأشعار و فى الفُعلا
لا دين
ولا مَّلــة
لا وصلت ..لا رجعت
لا منوّر و لا مضلِّم
.. الحق قام
والكره قام
... لا قمت تتكلم... و لا تسلِّم
فارقص على السلم

ديوان "الزحمة" لعبد الرحمن الأبنودى – الهيئة العامة للكتاب

هناك 4 تعليقات:

كبير المتشردين يقول...

بجد بجد بجد احيك علي اختيارك للقصيدة واختيارك للشاعر فصدق من قال عن الابنودي احسن من نطق بالشعر العامي

3mr youssef يقول...

حبيبي يا سحس

kalam يقول...

قصيده هايله يا حسين
انا اول مره اسمع عن الديوان ده اصلا رغم اني مدمن الابنودي
علي فكره الراجل ده مظلوم مع المدونات
مش واخد حقه من الاهتمام زي نجم وجاهين وفؤاد حداد

السهروردى يقول...

كبير المتشردين :
اشكرك

عمرو يوسف :
ماشى يا ندل !
عزيزى أحمد
فينك يا راجل ؟ بقالك كتير غايب كده ؟
الديوان ده من أوائل أعمال الأبنودى والنسخة اللى عندى قديمة جدا
عموما الديوان فى رأيى مافيهوش قصايد كتير عجبانى قوى هما خمسة سته كده
وأنا كمان مش بأميل للإبنودى كتير
القصيدة دى أساسا اتنشرت قبل كده عند ياسر نعيم

أنت مشرفنى بجد وأسعدنى تعليقك
:)