الأحد، يوليو 16، 2006

سيد حجاب - شوك .. وضل

.. أحب ما عليا
الشجره أم شوك و ضل !
الضل وحده يتلج الحشا .. يعلّ
والشوك يـِغلّ
...........
ما احبش القديسة
ولا اللى ما يعرف خلاف سجاده الصلا
براءه الملايكة ف ارض شايكة .. شئ يشل
و ما احبش الخسية
ولا الفلاتى الزانى حتى ويا أحجار الفلا
خساسه النجاسه والنخاسه والسياسه و قلة الحساسة
شئ يذل
.. و أحب ما عليا
الشجره أم شوك و ضل
1966
ديوان " مختارات من شعر سيد حجاب " – مكتبة الأسرة 2005

هناك 3 تعليقات:

kalam يقول...

واحشنى يا عم
سايب سيفك من فتره
يا ريت لو عندك اكتر لسيد حجاب تنشره
اكون شاكر

السهروردى يقول...

وأنت والله واحشنى أكتر يا عمى
كنت مشغول شويتين
حاجات قليلة لسيد حجاب اللى بحبها حنشرها تتابعا فى مواعيدها
شكرا على سؤالك
:)

MAKSOFA يقول...

اختيار موفق وجميل لشاعر جميل