الاثنين، ديسمبر 24، 2007

صلاح جاهين - رأس السنة


ويسكى، براندى، نبيت، كونياك،
بيره، فودكا،

عرقى، مريسه، أرمنياك

هنا وهناك
..

صين، مصر، إيطاليا، أمريكا
..
تشا تشا تشا، تانجو، مازوركا
..
أفريقيا بترقص دلوكه وسامبا،

روسيا بترقص بولكا

احنا بنرقص بلدى ودبكه


طراطير وشرايط ورق اصفر وازرق واخضر،

ووشوش خنازير، وملايكه، وجن احمر
..
اللى بيضحك ، وبيسكر،

واللى بيبكى وبيفكر،

لكن كله أؤكد لك يا عزيزى بيستنظر

شئ واحد ، هـو الراس الخاصة بعام

مش عارف كام ؟


إنما يا سلام
..
بقى بعد الطراطير، والبكا، والرومبا،

لو هذا الراس ماظهرش
..
لو هذا العام – اللى احنا بنستناه – ماحضرش
..
علشان

انضربت كذا بومبه

الأعمال الكاملة لصلاح جاهين - الجزء الثالث - أزجال صحفية - مركز الأهرام للترجمة والنشر

هناك تعليقان (2):

Nsreen Bsunee يقول...

كل سنه وانت طيب

انا كمان عمرى ما احتفلت بليله الاكس-ماس وعندى حقد دفين كمين فى عماميق قلبى من الناس اللى باشوفهم لابسين الطراطير وماسكين الكاسات ومزيطين ومهيصين وبوسه الساعه 12 والذى منه
تحياتى

السهروردى يقول...

أولا : وأنتى طيبة ولو إنها متأخرة

ثانيا : عنديش حاجة أقولها غير الجمل الأمريكية
join the club
:)

تحياتى برضه