الاثنين، أكتوبر 23، 2006

فؤاد حداد - المراجيحى

كل عيد وأنتم متبسمين للدنيا
******
ريحة الدنيا وأهل الزمان يا أطيب الأهل ، كلمنى منهم أبو العلا وقال لى شوف من طرف عين الشمس للبساتين الناس حبايب كلهم لابسين ، سماره ايدها فى يد ياسمين ونبوية ، ودرش قال ويايايا ياسين ، و أنا قلت ياه وياه ويا سعد وخديجة ومحسنة وأمين ، العيد يعيد وكلكم بخير ، وتفرحوا وتطيروا زى الطير ، داخلين سبق واكلين نبق شاطرين العقل قال الزينة هزينا والنزهة بتزقطط فى بحر النور والجو فوق والكيف على الطبطاب والقرش اش يركبك مرجيحة والحركة بركة.

الحركة البركه
يــا مراجيحـي
يا عْلِــوّ حْلِــوّ
يــا مراجيحـي

صابحين فاطرين لابسين أخضر
كلنــــا علــــى بعــــضنا بنــدور
لــــسه امبــــارح كنـــت منــور
بفلوسى فانوســى الوحــاويحى

يا صلاة النبي نازلــه وطالعــه
عقل وخفــه ولعـــب وصنـــعه
أنا طاير وفى ريحــي القلعــــه
أنا طاير والقلعة فـــى ريحـــى

زغروطة في قلبك مــن جــوه
تنده على اشــى تلاقيــه هـــو
والدنيا تقول لك يــا أبــو قـوه
ما احلا مجيـاتى ومراويحـــى

والهوا ع البحرى وعلى ودنه
والـــشاطر أكبـــر مـــن سـنه
والجــد يقــول اوعــى تونــوا
واش قـــد الجـــد التفـــاريحى

هناك 3 تعليقات:

حــلم يقول...

رغم ان الاسامى دى انقرضت
وبقت لؤى وماهيتاب وتامر وشيرى
ورغم ان المرجيحة كمان انقرضت وبقى فيه وندر لاند ودريم بارك
لكن تفضل القصيدة باحساسها البكر بالفرحة مميزة جدا

قول للزمان

saso يقول...

ليه لغيت بلوج النوتة
انا كنت بافتحة من عند ايمن الجندي.. وفين لما وصلت لهنا
بس لقيت هنا حداد وجاهين يعني كويس اني عرفت اوصل
:)

السهروردى يقول...

والله يا ساسو أيمن الجندى هو اللى لغاه مش انا
بس انتى جيتى صح أصل العنوان مايتوهش وألف حمد الله على سلامتك
:)