الجمعة، سبتمبر ٢٢، ٢٠٠٦

صلاح جاهين - يا وحوى


من قـبل رمـضان بجمـعه الهـرس دار فى الـدار
شــالوا الموبــيليا و حــطـوا العـــفش بالمــندار
بالمكــــنسه دور وبالفـــــرشه سبــــع تــــدوار
صــــبح البــــلاط زى خـــد المزمزيــــل نــاعم
والشـــقه بصّــت لهليـــتون نفـسـه بإستـــحقار
جابـــو قـــمر ديـــن وتيـــن وزبيــب وصنـــيبر
ومكـــسرات فــى شـــكارات مقـــفوله بالمـــيبر
فاضـــل فــى شعـــبان تـــلات ايـــام يا شحــيبر
راح تعــملم ايـه فـى رمــضان إبـقـوا تعالوا لنا
والكـل بــات فـى حسابــات تلخــم يهـود خــيبر
رمــضان دخـل ... كــل عام وأنتم بخـير قـالوا
مشـاوير كتـير مشـــوروا واتحــطوا واتشـالوا
عشـــان كـــنافه "ميــــدان الســت" واحتـالوا
حـــتى الــــولد لمــــا راح واتهـــربد القفــطان
اضــــطر ينــــزل معـــــاه البـــــيه يجيبهـــاله
ومن حـوارى الحسين راحوا اشتروا الطرشى
خيــار ولـفــت وبصــل ولمــون قديـم محــشى
فـوق البوفــيه رصّـوا برطماناته ولا ساعـشى
أحـــمر وبنــــى وبمـــبه وعنـــبرى واصـــفر
ويومــين يا دوبــك ده كلـه يـروح مايرجعـشى
السمــن نـازل يـرفّ... وكانـوا جايبـين كــوم
والبيــت معــــبأ بريـــحه قلّــى طـــول اليـــوم
فيشـــاوى بالليـــل ومــن بعــده النهــار نــوم
ولا شغـله ولا مشغـله غيــر بــس يــا وحـوى
والكـل فاطرين يـا عينى ولـم لـهم فى الصـوم....

هناك ٧ تعليقات:

سامية جاهين يقول...

كل سنة وانت طيب يا حسين
رمضان كريم
:)
وعلى رأي القصيدة "راح تعــملم ايـه فـى رمــضان؟ إبـقـوا تعالوا لنا!"

السهروردى يقول...

وحضرتك طيبه والله أكرم يا أستاذة
:)
فى موضوع المجى ده ماأقولش غير ربنا يسهل :)

غير معرف يقول...

وانت بألف خير

عبد الحق يقول...

كل سنة وانت والاسرة بخير
وحشتنى كتاباتك انت وزنجى

السهروردى يقول...

أستاذ عبد الحق :
وحضرتك بألف صحه وسعادة يا أستاذنا
وبعوده الأيام على حضرتك بهنا وفرح دايمين
بإذن الله أنا وزنجى راجعين قريب

amryoussef يقول...

كل سنه وانت طيب يا بوب خليني اشوفك قريب

shady يقول...

والكـل فاطرين يـا عينى ولـم لـهم فى الصـوم


أى والله صحيح أى والله هههههههه