بيرم التونسى - فى الطريق

أربـــع عســـاكر جبـــابره يفتـــحوا برلــين
ساحبــين بتــاعة حــلاوة جايــة من شربين
شايلــة علـى كتفــها عيـــل عينــيه وارمـين
والصـاج علـى مخـها يرقــص شمـال ويمين
إيه الحكاية يا بيه؟.. جـال: خالفت الجوانين
إشمعنى مليـون حـرامـى فـى البـلد سارحين
يمزعــــوا الجيـــوب ويفتـــحوا الدكـــاكـين
اســـأل وزيـــر الشئــــون ولا أكلــــم مين؟

* الأعمال الكاملة لبيرم التونسى - الجزء الأول - مكتبة مدبولى