تقديم لا يمكن اختصاره :
اكتشفت بعد فترة من النشر فى سيف خشب ان أنا محصور ضمن تحيزاتى الخاصة فى الشعر والشعرا، طبعا ده شئ ممل للغاية، لأنى أولا ما قريتش كتير فى تراث الشعر العربى القديم بل والألعن إنى ماقريتش كل أعمال أهم شعراء فصحى العصر الحديث -بمعنى أصح تقدر تحصرنى فى شعر العامية- ، وحتى اللى فى كتير من اللى بأقراه مش بيكون من ضمن المفضل ليها.
مع بداية تدوينى فى سيف خشب كنت بأفرح جدا بنشر القصايد اللى بأحبها لكن بعد فترة طويلة حسيت إنى مجرد كل كام يوم أرمى قصيدة فى المدونة "وتمام يا أفندم قضيت الواجب وزيادة" لدرجة إنى حسيت بالملل الشديد من روحى لأنى حتى بقالى كتير مامسكتش ديوان شعر، وده اللى خلانى أفكر كتير فى قفل المدونة وترييح بالى منها.
عندى أفكار كتيرة للتوسيع نطاق سيف خشب أكتر، منها أخرج نطاق الشعر العربى -ولا أقصد الشعر المترجم إلى العربية-، وأخرج خارج نطاق القصائد والدواوين إلى الأغانى مختارة لكنى لسه ما حسمت رأيى فيها.
وتوصلت إلى فكرة كان زرياب قبل كده نفذها بشكل مختلف، وهى دعوة أصدقائى من وقت للتانى لاختيار قصايد بيحبوها أو شايفين انها تستحق النشر بشكل عام فى سيف خشب مع إمكانية التقديم لقصايدهم من خلال كلامهم عن القصيدة أو الشاعر أو ارتباطهم بيهم..... إلخ.
أرجو إن الفكرة تعجبكم أما بالنسبة لاختيارات الناس فده شئ يخصهم هما !!!
اكتشفت بعد فترة من النشر فى سيف خشب ان أنا محصور ضمن تحيزاتى الخاصة فى الشعر والشعرا، طبعا ده شئ ممل للغاية، لأنى أولا ما قريتش كتير فى تراث الشعر العربى القديم بل والألعن إنى ماقريتش كل أعمال أهم شعراء فصحى العصر الحديث -بمعنى أصح تقدر تحصرنى فى شعر العامية- ، وحتى اللى فى كتير من اللى بأقراه مش بيكون من ضمن المفضل ليها.
مع بداية تدوينى فى سيف خشب كنت بأفرح جدا بنشر القصايد اللى بأحبها لكن بعد فترة طويلة حسيت إنى مجرد كل كام يوم أرمى قصيدة فى المدونة "وتمام يا أفندم قضيت الواجب وزيادة" لدرجة إنى حسيت بالملل الشديد من روحى لأنى حتى بقالى كتير مامسكتش ديوان شعر، وده اللى خلانى أفكر كتير فى قفل المدونة وترييح بالى منها.
عندى أفكار كتيرة للتوسيع نطاق سيف خشب أكتر، منها أخرج نطاق الشعر العربى -ولا أقصد الشعر المترجم إلى العربية-، وأخرج خارج نطاق القصائد والدواوين إلى الأغانى مختارة لكنى لسه ما حسمت رأيى فيها.
وتوصلت إلى فكرة كان زرياب قبل كده نفذها بشكل مختلف، وهى دعوة أصدقائى من وقت للتانى لاختيار قصايد بيحبوها أو شايفين انها تستحق النشر بشكل عام فى سيف خشب مع إمكانية التقديم لقصايدهم من خلال كلامهم عن القصيدة أو الشاعر أو ارتباطهم بيهم..... إلخ.
أرجو إن الفكرة تعجبكم أما بالنسبة لاختيارات الناس فده شئ يخصهم هما !!!
