خطوه فـى بكره وغنوه فـى بعده
وزمــــانهم كلـــــــهم اتهــــــدّوا
وطلــع غيـــرهم ألعـــن منــــهم
وطلـــع غيــــرى أجـــــدع منى
حســــــّه بيـــــــبرق زىّ الننى
ضحـــكه القمـــــحى بيطمــّـنـّى
باستــغرب ساعـــة ما باشـوفه
لـــو سِنـــّه أكبــــر مــن سِنـّى
واعــرف إنــى غبـــــت شويّه
وباعــوم فـى الهــوا زىّ الميّه
المــــرّه دى المـــــــرّه الجايه
أراجوز إنســان أنـا مش جنّى
الأعمال الكاملة لفؤاد حداد - الجزء الثالث - الهيئة العامة لقصور الثقافة
هناك ٥ تعليقات:
ماشي ياعم ، متطولش الغيبة ..انا كنت بنشكح كل ما اعدي و اقرى قصيدة صوت غناء البلبل :)
حتى وإن كان سيفك من خشب، فقلبك من ذهب!
لن أراك في مرآتي مع من ذهب،
بل مع من تعفرت جباهمم وأحذيتهم السهروردية لتأتي لنا على طبق
من تبرٍ
بأفضل ما قيل في ديوان
العرب!!
ماتعملهاش و تسيب المدونة يا حسين أنا بحب اعدي عليها أقرا اللي بتحطه جديد
ووحشني ألقائك للشعر عليا في أوضتك
سهرودي بعد المدى رجعت تاني
:)
http://ba3delmada.blogspot.com/
السيوف الخشب هاتفضل مرفوعة
إرسال تعليق